-Béshimgha Kelmigen Bolsa Chüshenmeytim, Bilmeytim, Qilalmaytim! Uyghurlarda Bir Ata Sözi Bar, „Bashqa Kelgende Batur!“ Deydighan. Millitimizning Béshigha Keldi; Azraq Gheyret Qilsaqla Bizmu Chüshüneleymiz, Bileleymiz we Qilalaymiz!
Muhimi Bizge Irade, Eqil we Bilim Kérektur!
-Xatiremdin
Yazarmen: Kurasch Umar Atahan
☆☆☆><☆☆☆
Qarangghuluq Yorughluqning Ichidedur!
K.U.A
☆☆☆><☆☆☆
Eqil Xudi Heriket Qilalmaydighan Toxtam Sugha Oxshaydu; Ademler Bar Imkanlarni Qollunup, Shert we Sharayitlarni Uyghun Shekilde Özgertmigüche Eqil, Bilim we Tejiribe Toluq Kargha Kelmeydu!
-Awropa Aqiliyetliridin
☆☆☆><☆☆☆
Eqil, Tepekkur, Bilim, Chare we Tedbir Suyuq we Mewhum Nerse Bolup, Mueyyen Qélipi we Shekli Yoqtur! Muhim Bolghini Abistirakt Xususiyetke Ige Bolghan Eqilning, Tepekkurning Bilimning Kimlerge Mensup Bolup Otturgha Chiqishi We Chare-Tedbirlerning Kimler Teripidin Hayatqa Tedbiqliniwatqanlighi we Qandaq Netije Bériwatqanlighidur!
K.U.A
☆☆☆><☆☆☆
Leadership is the capacity to translate a vision into reality!
-King Charles Von United Kingdom
☆☆☆><☆☆☆
Biz Gérman Milliti Bir Pütün Tariximizda Nimeni Yoqatqan Bolsaq, Yoqatqan Ashu Nersimizdin Altundinmu Qimmetlikraq Bolghan Bilim we Tejiribige Ige Bolduq!
-Gérman Peylasopi Arthur Schopenhauer
☆☆☆><☆☆☆
Zéhning Yingnidek Uchluq, Eqling Qilichtek Ötkür, Biliming Döngdek Igiz we Tejiribeng Qumdek Mol Bolsimu, Kishlik Xaraktéring, Milliy Ghururung, Milliy Wijdaning, Milliy Iradeng, Milliy Ghayeng We Milliy Rohing, Uningdin Bashqa Yene Pem-Paraseting, Gheyret-Shijaiting we Shundaqla Chare-Tedbiring Bolmisa Weten we Milletning Kütken Yéridin Toluq Chiqalmaysen!!!
K.U.A
☆☆☆><☆☆☆
Zéhin, Bilim we Eqil Tiriktur! Bu Üchi Xususiyeti we Xaraktéridin Qarighanda Zeherliktur we Shiddetliktur! Bilim Sudek Yawayi, Ottek Rehimsiz, Hawadek Buzghunchi we Tupraqtek soghoq We Qattiqtur! Zéhin, Bilim we Eqil Bir-Birini Shert Qilidu, Bir-Birini Teqezza Qilidu! Zéhin, Bilim we Eqilni Kontorul Qilalmisaq Düshmenning Heywisini Sundurup, Ghelbe Qilish Biryaqta Tursun, Zéhin, Bilim we Eqil Arqiliq Özimizni Özimiz Halak Qiliwétidighan Yaman Aqiwet Kélip Chiqidu!
K.U.A
☆☆☆><☆☆☆
Hayatliq Küresh Dimektur! Türlük Zenjirsiman Harmonik we Antigonik Munasiwetler Bilen Tolghan Insaniyet Jemiyitimu Tebiyet Dunyasining Ayrilmas we Tipik Bir Parchisidur!
K.U.A
☆☆☆><☆☆☆
Ademlerge Qarap Heyran-Hes Qalimen! Bir Ishni Anglap Qulaq Mollisi Bolghanmu, Shu Ish Heqqide Birinchi, Ikkinch, Üchünchi…. Sinipqa Layiq Bashlan’ghuch Mektep Sewiyege Igemu; Beshinchi Sinipqa Layiq Sewiyege Igimu, Oninchi Sinipqa Layiq Sewiyege Igemmu, Ali Mektep Sewiyesideki Derijiler Boyinche Bashlanghuch Diplomagha, Masterliq Deplomidigha Yaki Doktorluq Deplomasi Sewiyesige Ige Bolghanlarmu Bu Ishni Men Bilimenla, Deydu! Toluq Bilmeymen, Deydighanlarni Rapqili Bolmaydu! Bu Ishni Yeni Kesipni Menggü Toluq Bilgili Bolmaydighanlighini Sözlesh Uyaqta Tursun, Bu Ishta/Pende Bashlan’ghuch Mektep, Yaki Ottura Mektep we Yaki Ali Mektep Sewiyesige Ige Ikenligini Rastchilliq we Semimiyet Bilen Tilgha Élishtin Özini Qachurup, Shu Kesipte Nezeriye we Tejiribe Jehettin Eng Yoquri Sewiyediki Ademdek Yenggilteklik Bilen Gep Qilidu we Heriket Qilishidu! Bilsimu Bilmisimu Bimimen, Qilimen, Deydu; Bilim Az Bolsimu, Köp Bolsimu Hemmini Hel Qilidu, Dep Oylaydu. Bu Ademlerning Ortaq Ajizlighi Derijimu Derije Métod, Usul, Chare we Tedbirlerni Bilmigechke Kolliktip Halda Ish Qamlashturalmaydu, Ish Qiliwatqandek Körünidu Emma Ghelbe Qilalmaydu!!!
K.U.A
☆☆☆><☆☆☆
Hichkishi Sening Razilighing Bolmay Turup Sanga Esla we Esla Qiyinchiliq, Bexitsizlik We Ziyan
Tughduralmaydu! Hayatingda Sen Duchar Bolghan Barliq Bexit We Bexitsizliklerning Yigane Sewepchisi Yenila Del Özengdursen! Shunga Özengge Agah Bol, Ziyan’gha Chida, Ademlerni Artuqche Eyiplime!!!
K.U.A
☆☆☆><☆☆☆
Tinchliqqa Teshebbuschilarni Esla we Esla Urushtin Qachqanlar, Dep Oylap Qalma!
-Scorch Klarity
☆☆☆><☆☆☆
Irade, Gheyret we Jasaret Bolmighan Ömür Quldek Yashap, Seldek Éqip Kétidighan Bir Hayattur!
-Seneka
☆☆☆><☆☆☆
Bilim Eger Toghrani Xata, Xatani Toghra Digen Bolsa, Bejayiki Uning Choqum Bir Mentiqighe Chüshüdighan, Eqilge Uyghun Alahiyde Muhim Bolghan, Ilim-Pen Dunyasidiki Kishilerge Anche Tonushluq Bolmighan Pirinsiplargha Chüshidighan Bir Meqset-Muddasi Bardur!
K.U.A
☆☆☆><☆☆☆
Bizge Chopan Kérekmu, Padichi It Kérekmu Yaki Mizhildap Otlap Yüridighan Milyonlighan Sürige Yol Bashlaydighan Boy Besti Igiz, Münggüzi Qilichtek Ötkür we Üolaztek, Tükliri Uzun, Körünishi Sürlük, Tashaqliq Bir Uzun Saqalliq Serke Kérekmu!?
K.U.A
☆☆☆><☆☆☆
Itni It Depla Ötüp Ketmeng, Ittiki Yürek Kashki Siz Ademlerde Bolghan Bolsa Idi, Dunya Söygü, Muhabbet, Sadaqet we Wapa Bilen Tolatti, Hichkishining Közidin Tamche Yash Egigip, Yürekliri Dert-Hesret Bilen Tolmayti!
K.U.A
☆☆☆><☆☆☆
Milliy Musteqilliqni Söymigen, Musteqilliq Üchün Bedel Tölimigen Adem Yaki Millet Erkinlik We Azatliqning Weslige Yitelmeydu!
-Gérman Peylasopi Arthur Schopenhauer
☆☆☆><☆☆☆
Quyash Bilen Ay Yiganidur; Emma Biri Kündüzi, Biri Kéchisi Djnyagha Nur Chéchip Turidu!
Asmandiki Quyash, Ay we Yultuzlarning Özila, Bilgenler Üchün Mukemmel Bir Büyük Pelesepedur!
K.U.A
☆☆☆><☆☆☆
Wetini Ishghal, Milliti Mustemlike Astidiki Xeliqlerde, Bolupmu Konkerit Bolghan Ademler Topida Azraq Bolsimu Ghurur, Wijdan we Nomus Tuyghusi Bolishi Lazim! Shundaq Bolghanda Aq we Qarini Éniqraq Periq Ételeydu! Eger Ademlerde Ghorur, Wijdan we Nomus Bolmisa, Uhalda Ularning Derijisi Ziwilizatsiyondin Hich Xewiri Yoq, Yawayi Haywanlarningkidinmu Bekraq Töwenlep Kétidu!
K.U.A
☆☆☆><☆☆☆
Birlik, Ittipaqliq we Hemkarliq Aq-Qarani Bilidighan, Ang Sewiyesi Yoquri we Uzaqni Körüdighan Ilghar Milletlerning Tipik Alahiydilikidur!!!
-Germaniye Peylasopi Karl Gustaf Jung
☆☆☆><☆☆☆
Heqqaniyet we Adalet Terepte Turidighan, Aq-Qarini Periq Ételeydighan, Yalghandin Nepretlinidighan we Jan Chiqip Ketsimu Rast Gep Qilidighan Ademleri Az Yaki Pütünley Yoq Bolghan Bir Jemiyet Heqiqi We Toghra-Dorust Ilim Igilliri Bolmighan, Xaniweyran Bolushqa Resmi Yüzlen’gen Bir Jemiyettur!
K.U.A
☆☆☆><☆☆☆
Axmaq Ne Kechüridu, Ne Untuydu; Sadda Ademler Hem Kechüridu, Hem Untuydu; Aqil Ademler Bolsa Kechüriwitidu Emma Esla Unutmaydu!
-Thomas Szasz
☆☆☆><☆☆☆
Özini Özgertish Qabiliyiti Bolmighan Biri Dunyani Özgertelmeydu!
-Georg Bernard Shaw
Yoq Bolup Kétishning Eng Yaxshi Charisi Kétiwatqan Yolidin Waz Kéchishtin Ibarettur! Waz Kéchilmigen Yolda Herqanche Mushaqetlik Bolsimu Hayatliq Yenila Toxtimay Menggü Dawam Qilidu!!!
K.U.A
☆☆☆><☆☆☆
Gepliringning toni emes mezmuni chong bolsun. Warqirap éytilghan tuturuqsiz Sözler xuddi püchek üchkigela oxshaydu! Éghizdin chiqqan sözler dimisimu Beeyni üchkige oxshaydu! Sözlerning menisi bolsa goya üchkining méghizighala oxshaydu! Bezi sözler mezmunluq bolup, mezmunida saghlam méghiz bar, Bezi sözler mezmunsiz bolup, ichide püchek méghizi bar! Püchek üchkilerni saghlam yerge térisimu ünmeydu; Saghlam méghizliq üchkilerni térisa ünidu! Üngen üchkiler yaxshi perwish qilinsa awal küchet peyda bolidu; Andin ösüdu, chichek achidu; Méwe béridu; Saye tashlaydu; Oksigin ishlepchiqiridu!
Sesiq we püchek üchkiler Herqanche chong, ching we küchlük bolsimu ünmeydu, köchet bolmaydu, chichek achmaydu, Méwe bermeydu, Saye tashlimaydu, Oksigin ishlepchiqarmaydu, qisqisi kargha kelmeydu! Shunga gepni qilghanda méghizliq qilinglar, Ton mezmundin Éship ketmisun!!!
K.U.A
☆☆☆><☆☆☆
Weten-Milletning Ichki Ishlirida Emel Qilishqa Tégishlik Bolghan Besh Asasliq Pirinsip!
1)Milliy herikete pikir oxshimasliqqa yol qoyushqa bolidu; Bashqa pikirdikilerge hürmetsizlik qilishqa bolmaydu.
2)Bashqa pikirdikilerge Ilmiy Usulda pikir bérishke bolidu; Haqaret qilish we Kamsitishqa bolmaydu.
3)Bashqa pikirdikilerni tenqitleshke bolidu; Emma qara-qoyuq inkar qilishqa bolmaydu.
4)Bashqa pikirdikiler bilen riqabet qilishqa bolidu; Düshmenlik qilishqa bolmaydu!
5) Bashqa pikirdikilerni qollimisamu bolidu; Emma Buzghunchiliq we ziyankeshlik qilishqa qetti bolmaydu!
Sewebi bugünki global séstimidaki Insanperwerlik, Démokratiye we Erkinlikke ayit qayidiler bu besh pirinsipqa chüshmigen Milliy meselilerni étirap qilmaydu!
K.U.A
26.04.2024 Gérmaniye
☆☆☆><☆☆☆
Hichqandaq Bir Tenqit Anglimasliqning Ikki Xil Charisi Bar! Biri, Hichqandaq Pikir Bayan Qilmasliq; Yene Biri Bolsa Hichqandaq Ish Qilmasliqtur!
-Yunan Peylasopi Aristoteles
☆☆☆><☆☆☆
Milli Dawa Tamning Arqisigha Qarashqa Tolimu Oxshaydu. Tamning Arqisigha Qarighiningghu Yaxshi Boldi, Emma Lékin Küresh Qilmisang Uterep Bu Tereptin Téximu Xeterliktur!
K.U.A
☆☆☆><☆☆☆
Keshpiyat we Iqtiralar Eqil we Bilimdin Köre Oy-Xiyal, Zéhin, His -Tuyghu Bilen Téximu Bekraq Alaqidardur! Keship Qilidighan Ademning Pikiri Keship Qilinidighan Nersege Muhabbet Bilen Baghlinishliq Bolgan Bolidu!
-German Peylasopi Karl Gustaf Jung
☆☆☆><☆☆☆
Ular Goya Toghra Ademlerdek, Toghra Yerde Turiwatqandak, Toghra Yolda Kétiwatqandek, Toghra Bolghan Ademler Bilen Olturup Qopuwatqandek, Toghra Ishni Qiliwatqandek Körünidu! Aldirap Ishenme, Taza Sepsélip Güzet we Eqil Közüng Bilen Qara; Shundila Ularning Tashqi Körünishining Eslide Tülkige, Ichki Körünishining Resmi Halda Bir Tongguzghala Oxshaydighanlighini Köreleysen!!!
K.U.A
☆☆☆><☆☆☆
Yidinglar, Ichtinglar, Toydinglar, Emma Közünglar Toymidi! Közi Toymasliq Haywaniliq Bolup, Ach Közlük we Nepsaniyettin Bolidu! Adem Insaniy Xususiyetlerni Özige Yaxshi Özleshtürgende Shüküri Qilishni, Insap Qilishni we Özini Tutuwèlishni Bilidu! Buning Üchün Kitap Oqush, Bilim Élish We Paydiliq Ishlarni Qilishi Lazim!
Kitap Oqu, Bilim Al, Nezer Dayirengni Kéngeyt, Burnungning Uchinila Emes Uzaqni Oyla! Kitap Oqu, Bilim Al, Özengni Tutiwal, Jismingnila Emes Közüngnimu Toyghuz! Ach Qarin we Ach Ménge Bilen Hichish Qilghili Bolmaydu! Toyghudek Yep Ichishke Aldirighandek Kitap Oqush we Bilim Élishqamu Aldiranglar! Jisminglarni Ach Qoymighandek, Rohinglarnimu Ach we Yalingach Qoymanglar! Ademning Haywandin Perqi Eqilge Tayinip, Qursaq Toyghuzushla Emes, Eqilge Tayinip Kitap Oqush, Bilim Élish, Rohini Toyghuzush we Meniwi Jehettin Yüksülüp, Barghanche Téximu Jiq Menilik Yashashtin Ibarettur!!
K.U.A
☆☆☆><☆☆☆
Bir Milletning Sür-Heywisi, Yüz Abroyi, Hürmiti we Xatirisi Bolishi Lazim! Bir Milletning Dostlughi, Düshmenligi, Muhabbet we Nepriti Bilishi Lazim! Bir Milletning Semimiyiti, Sadaqiti we Pidakarlighi Bolishi Lazim!!!
K.U.A
☆☆☆><☆☆☆
Ademler Hemme Nersini Yürikide Nime Bar Bolsa Shundaq Körüdu!
-German Shairi Johan Wolfgang Goethe
☆☆☆><☆☆☆
Zalimlargha Merhemet Qilghanliq, Mezlumlargha Qilin’ghan Ahanettur!
-Adam Simith
☆☆☆><☆☆☆
Gérmaniye Yazghuchisi Franz Kafka Èyitqandek Rezillik Dayim Diqqet We Nezerge Tashlinip Turidu! Toghra Deydu, Dimisimu Shundaq Ki Güzellik Bolsa Eslerdin Dayimqidekla Chiqip Qalidu, Hetta Untulup Kétidu!
K.U.A
☆☆☆><☆☆☆
Ademlerni Chongqur Chüshünishke Bashlighandin Béri Haywanlargha Bolghan Hürmitim Téximu Ishishqa Bashlidi!
-German Peylasopi Arthur Schopenhauer
☆☆☆><☆☆☆
Uwalchiliqqa Uchridim, Dep Bashqilarning Sotchisigha Ayliniwalma, Özeng Bilen Bol, Bashqilarning Hésabini Allahqa Qoyup Qoy, Bashqilargha Emes, Yürügüngdikige Qulaq Salghin!
-Mawlana Jalaliddin Rumi Hezretliri
☆☆☆><☆☆☆
Muzika Anglang, Zihningizni Urghutung, Pikringiz Échilsun, Tepekkuringiz Janlansun, Hayatqa Bolghan Muhabbet We Ümüdingiz Küchlensun!
K.U.A
☆☆☆><☆☆☆
Insannning Ichki Dunyasi Eger Anggha Tesir Körsetmigen Bolsa, Melumki Bu Kishilerge Körünishte Xuddi Bir Teqdiri Qismettek Tesir Béridu!
-Gérmaniye Peylasopi Karil Gustaf Jung
☆☆☆><☆☆☆
Weten, Millet we Shan-Shöhret Heqqide…
Séning Shan we Shöhretning Arqisidin Yügürgenligingnining Özila Sening Shan we Shöhretni Téxiche Heq Etmigenligingnining Rushen Alamitidur! Sen Weten, Millet we Meripet Tereptin Jemiyetke Tégishlik Töhpilerni Yaratqan Chaghda Shan-Shöhretni Sen Emes, Sahan we Shöhret Séni Arqangdin Tutiwélish Üchün Öler Tirilishige Qarimay Qoghlaydu!
KUA
240424 Gérmaniye
☆☆☆><☆☆☆
Sözleshmu Bir Sennettur! Biz Adette Udul, Ochuq-Yoruq, Estayidil, Semimi, Dostane, Chüshünishlik, Qayil Qilarliq, Qayide Yosunluq, Siliq, Dane- Dane we Mehri-Muhabbet Bilen Niyiti we Oy Pikirini Saghlam Ipadileydighan Ademlerni Yaxshi Körimiz! Bundaq Ademler Köpünche Hallarda Eng Toghra Ademlerdur!
-Gérman Eqiliyetlitidin
25.04.2024 Gérmaniye
☆☆☆><☆☆☆
Adem Bedinidiki Kisellik Virus, Mikrop we Baktériyedin Peyda Bolidu.Virus, Mikrop we Baktériye Bedende Bolsa Kiselge Dora Bérip, Yaxshi Perwish Qilip Saqaytqili Bolidu! Eger Virus, Mikrop we Baktériye Milletning Rohi Dunyasigha Tarqap Ketken Bolsa, Bu Illet Dora we Ozuqluq Bilen Emes Milli Roh, Maarip, Ilim we Pen Arqiliq Saqiyidu! Milli Roh, Milli Maarip, Ilim We Pen Insanlar Üchün Künnuri, Su, Hawa We Tupraqqa Oxshaydu! Ademlerni Meniwi we Rohiy Jehettin Saqaytidighan Qoshunda Yoqarqi Tört Qural Bolghanda Rohiy we Meniwiy Jehettiki Barliq Késelliklerge Taqabil Turghili we Güllen’gen Köngüldikidek Bir Jemiyet Berpa Qilghili Bolidu!
K.U.A
25.04.2024 Germaniye
☆☆☆><☆☆☆
Toghra, Toghra Toghra! Toghra Üch Xil Bolidu! Biri Waqti Ötken Toghra; Ikki Hemme Adem Bilidighan, Emma Netijisi Toghra Chiqmaywatqan Toghra; Üch Toghra Emma Azsandiki Ademler Bilidighan, Emma Köpsanliqlar Qobul Qilalmaywatqan Toghra!
Her Üch Toghra Yalghuz Béshigha Toghra Netije Bermeydu! Bu Üch Toghra Arqiliq Her Yili, Her Ayda We Her Hepte, Her Küni Ishlepchiqirilidighan Toghra Meselini Hel Qilalaydu! Birla Sherti Hemme Adem Ortaq Étirap Qilidighan Bir Teshkili Aparat Tiklen’Gende, Xelqara Weziyet Milliy Heriketke Toghra Tanasip Haligha Kelgende We Bir Pütün Millet Ortaq Étirap Qilidighan Eqilliq, Jessur we Dana Bir Rehber Otturgha Chiqqanda!!!
K.U.A
25.04.2024 Germaniye
☆☆☆><☆☆☆
Meyli Ata-Aningizlar, Ewladingiz, Yaki Söygüningizlar, Tughqiningiz, Yaki Muhabbitingizlar, Hürmetligingiz Yaki
Adettiki Tonushingizlar, Reqibingiz Yaki Dost- Düshminingizlar Bolsun, Ulargha Waqti Waqtida we Layighida Choqum Insaniy Muamilide Bolup Turungizlar!!! Toghra Ademler Öz Millitingiz Iken Yaxshiliqqa Kelgende Ujurisi We Bujurisini Bek Oylunup Ketish Xatadur! Xuda Bizni Bir Birimizge Yamanliq Emes, Yaxshiliq Qilishqa Yaratti! Yaxshiliq Yaxshiliq Keltüridu; Yamanliq Bolsa Yamanliqni! Bu Tebiyetning Eng Üstün Pirinsipidur! Undaqken Purset Bariken Öz-Ara Bir Biringlargha Bolupmu Ata-Ana, Urugh-Tuqqan, Qan-Qérindash, Dost-düshmen We Pütkül Janliqlargha Ulargha Yarisha Derijide Yaxshiliq Qilinglar! Yamanliq Qilmay Yaxshiliq Qilinglarki Xudamu Silerge we Ewlatliringlargha Rexmet we Merhemet Qilsun! Yaxshiliq Xudadin Yürekke, Yürektin Méngige, Méngidin Heriketke Ötsun; Biz Béshimizgha Kelgen Yaxshi we Yaman Künlerning Ijatkarimiz! Yaxshiliq Qilsaq Yaxshiliq, Yamanliq Qilsaq Yamanliq Körümiz! Xuda Hemmini Körüp Turidu, Perishtiler Gemmini Yézip Turidu! Qilghan Yaxshiliq we Yamanliqlarning Hésabi Toxtimay Qilinip Turidu! Pürset Bolsila Yamanliqtin Uzaq Turup Yaxshiliq Qilayl! Yaxshiliq Her Ishning Xeyirlikidur! Yaxshiliq Söygü we Muhabbettur! Yayshiliq Bexit we Saadettur! Yaxshiliq Erkinlik we Azatliqtur! Shek- Shühbesiz Halda Yaxshiliq Qilghan Adem Yaxshiliqqa, Yamanliq Qilghan Adem Axiri Yamanliqqa Duchar Bolidu! Bashqilarning Yürigidiki Illighliq, Chirayidiki Külke Bizni Her Ikki Dunyada Bexit we Saadetke Érishtüridu! Yaxshiliq Xudaning Tebiyet Dunyasini, Jümlidin Bizni Yaritishtiki Asasliq Sewebidur! Biz Xudaning Meqset we Muddasigha Layiq Yashayli, Ademlermu Bizdin Razi Bolsun, Xudamu Bizdin Razi Bolsun!
K.U.A
26.04.2024 Gérmaniye
☆☆☆><☆☆☆
Hemme Ishqa Shu Ishning Ehlining Yitekchiligi Hemmedin Muhimdur! Bilmey Turup Bilidighandek, Oqumay Turup Oqughandek, Qilalmay Turup Qilalaydighandek Oylash Peqetla Bir Xam-Xiyaldur! Milliy Rohni Wetenperwer we Milletperwer Ziyalilardin, Penni Shu Kesiplerde Oqughan Mutexesislerdin, Dinni Millitimizning Ichidin Yétiship Chiqqan, Milli Derdimizni Toluq Chüshünidighan Dini Ölimalardin Ügüning we Bir Ömür Ulargha Egiship Yashang! Oqumighan Oqughan’gha Yetmeydu; Bilmigen Bilgen’ge Yetmeydu! Ish Qilalmaydighan Ish Qilidighan’gha Yetmeydu; Ish Qamlashturalmighan, Ish Qamlashturalighan’gha Yetmeydu!
Bilimi, Derijisi we Mertiwisi Üstün Insanlarni Yétishtürüp Chiqish, Rolini Teshkillik Jari Qildurush we Jemiyetke Öz Qabiliyitige Yarisha Unversal Xizmet Qilip, Milletning Her Türlük Kirzislardin Ghelbilik Halda Qurtulup Chiqip Tereqqi Tépishi we Güllinishige Hesse Qoshush Herqandaq Bir Jemiyet Ezasining Muqeddes Wezipisidur!
K.U.A
27.04.2024 Gérmaniye
☆☆☆><☆☆☆
Bezi Milletler Erkinlikni Emes Qulluqni Ela Bilidu! Bir Xeliqning Yaxshi we Yaman Kün Körüshining Asasliq Sewepkari Shu Milletning Del Özidur!
Gérmaniye Peylasopi Segmud Freud “ Kishiler Erkinlik Erkinlik Deyduyu, Ching Qelbidin Erkinlikni Yaqturmaydu! Ademlerning Erkinlikni Yaxshi Körmesligidiki Asasliq Sewep, Erkinlik Üchün Tölinidighan Bedelning Éghirlighi, Erkinlik Qolgha Kelgendin Kéyinki Jawapkarliqning Qiyinlighidin Ibarettur!,-Digeniken!
Eslide Adem Mejbur Qalmisa Hichnimige Özligidin Bedel Tölimeydu We Hichqandaq Mesuliyetni Öz-Üstige Almaydu! Milletni Bir Ishqa Bedel Tölitish we Mesuliyetni Üstige Aldirush Üchün Ilghar Pikir, Irade, Bilim we Ghaye Kérek Bolidu! Pikir, Irade, Bilim We Ghayeni Teshkikatlinish Arqiliq Ishqa Ashurghili Bolidu! Teshkilatlinish Qabil Rehberni We Rehberlik Aparatini Turghuzup, Milletke Yol Bashlash Digenliktur! Toghra Rehber, Toghra Rehberlik Aparati Toghra Pikir, Toghra Irade, Toghra Bilim we Toghra Ghayini Milletning Eng Ali Menpeeti Üchün Heriketke Keltürgende, Jemiyet Ezaliri Erkinlikni Rastchilliq Bilen Söyüdu, Bedel Töleshke Hazir Bolidu; Erkinlik Qolgha Kelgendin Kéyin Barliq Mesuliyetlerni Aktipliq Bilen Üstige Alalalaydighan Bolidu! Erkinlikke Intilidighan Emma Erkinlik Üchün Bedel Töleshni Xalimaydighan, Hetta Bar Bolghan Erkinlik Üchün Kèrek Bolghan Jawapkarliqlarnimu Üstige Élishni Xalimaydighanlar Emes, Mawjut Bolghan Rehber we Rehberlik Aparati Bu Boruxtum Aqiwetke Mesul Bllishi Lazim!
K.U.A
27.04.2024 Gérmaniye
☆☆☆><☆☆☆
Tirishayli,
Yoshurun Éngimizdiki Milli Xatiriler Öchüp Ketmisun!
Tariximiz we Tarixi Shexislerimizge Ige Chiqayli!
Birlik, Ittipaqliq we Hemkarliq Enenimizni Qoghdayli!
Biz Kim, Nime Qiliwatimiz, Qeyerge Kétiwatimiz Xelqimiz Bilip Tursun; Millitimiz Milli Rohini Tirig Tutsun!
Hemmimiz Angliq Halda Milli Iradimiz Körsetken Terepke Yüzlineyli!
Ejdatlar we Kelgüsi Ewlatlar Aldidaki Buruchimizni Unutmayli!
Dayim Qoghdunush Emes, Hojummu Qilidighan Weziyet Yaritayli!
Millitimiz Parlaq Kélichikige Bolghan Ümüdini Yoqatmisun, Hüriyet we Milli Musteqilliq Arzusini Barghanche Yashartip Mangsun!
K.U.A
27.04.2024 Gérmaniye
☆☆☆><☆☆☆
Quyash Bilen Ay Yiganidur; Emma Biri Kündüzi, Biri Kéchisi Dunyagha Toxtimay Nur Chéchip Turidu! Insanlar Tarixning Qarangghuluq Yilliridin Tartip Taki Medeniyetler Güllen’gen 21-Yüz Yilghiche Ixtiyarsiz Rewishte Janliqlar Yaritilishtin Awalla Qelemge Élinip Bolghan Bu Eserni Oqup Keldi! Insanlar Maddi, Meniwi we Rohi Jehettin Yükselgenche Cheksiz Bilim Xezinisi Bolghan Yoruq Dunyada Heqiqetler Toxtimay Su Yüzige Chiqiwatidu! Bilim Heqqidiki Izdinishler Quyash, Ay We Yultuzlarni Chöridep Élip Bériliwatidu! Asmandiki Quyash, Ay we Yultuzlarning Özila, Bilgenler Üchün Mukemmel Bir Büyük Pelesepedur!
K.U.A
28.04.2024 Germaniye
☆☆☆><☆☆☆
Salam Janlirim,
Mening silerge bir dada bolush süpiti bilen dinimiz, örpi-adetlirimiz we qayide-yosunlirimiz heqqide deydighan we déyishni arzu qilidighan…Bezilirini éytip, bezilirini téxiche éytalmay kelgen sözlirim baridi…
Bu qétim tordunyasini arilawétip, birdinla Ellame, Mutesewuf, Alim Möiddin Ibnul Arabi Hezretlirining bu nadir kitabigha közüm chüshüp qaldi. „Ibnul Arabi Hezretlirining Tewsiyeliri“ digen bu kitapni anglap chiqqandin kéyin, silerge bildürüshni xalighan muhim bilimlerning bu kitapta yer alghanlighini bayqap, xuddi altun tépiwalghandek xush bolup kettim.
Men Herqanche qilsammu bilidighanlirimni bu alimdek dini bilimlerge baghlap sizlerge chüshendürelmeytim.
Mana bu kitaptikisi del mening yürügümdiki silerge dimekchi bolghan yürek sözlirimdur! Shunga bu Kitapning seslik nusxisini tekrar, tekrar anglishinglarni, amal bolsa kitapni tépiq öyde saqlishinglarni we balliringlargha ügütishinglarni semimi ümid qilimen!
Hürmet Bilen dadingizlar
Kurasch Umar Atahandin
29.04.2024 Germaniye
☆☆☆><☆☆☆
Kimki Zulumgha Köz Yumidiken Uhalda Jinayet we Gunahqa Shirikchiliq Qilghan Qatargha Tizilidu!
-Gérman Peylasopi Desiderius Erasmus von Rotterdam
>>>☆<<<
Desiderius Erasmus von Rotterdam oder nur Erasmus genannt war ein niederländischer Universalgelehrter: Theologe, Philosoph, Philologe, Priester, Autor und Herausgeber von 444 Büchern und Schriften. Wikipedia
Geboren: Rotterdam, Niederlande
Verstorben: 12. Juli 1536, Basel, Schweiz
Beeinflusst von: Martin Luther, Thomas Morus, Giovanni Pico della Mirandola, Aristoteles, Mehr
Ausbildung: Universität Padua, Università degli Studi di Torino, Collège de Montaigu
Eltern: Roger Gerard, Margaretha Rogerius
K.U.A
29.04.2024 Germaniye
☆☆☆><☆☆☆
Dunyadiki Bezi Qulluqqa Normal Ishtek Könüp Ketken Yaki Erkinliktin Bizar Bolup, Qulluqqa we Mehkumluqqa Telpüniwatqan Qara Basqan Jughrapiyelerde we Bezi Gheplet Uyqusidiki Milletler Qurghan Dewletlerde Mektepning Qimmiti Yoq; Muellimning Hürmiti Yoq; Bilimning Qimmiti Yoq; Bilimlikning Qimmiti Yoq; Maqala we Kitap Yazghanning Paydisi Yoq; Pikir we Tepekkur Qilghanning Paydisi Yoq; Weten we Millet Üchün Bedel Töligenning Paydisi Yoqtur!!!
Bilim, Bilim Igisi, Kitap we Ziyali; Mektep We Muellimning Étibari Bolmighan Milletler Bexitsiz Milletlerdur! Shunga Bundaq Milletlerning Heywisi yoq; Shunga Bundaq Milletlerning Qudriti yoq; Shunga Bundaq Milletlerning Küchi yoq; Shunga Bundaq Milletlerning Hürmiti Yoq;
Shunga Bundaq Milletlerning Izziti Yoq; Shunga Bundaq Milletlerning Inawiti Yoq;
Shunga Bundaq Milletlerning Hüriyiti Yoq; Shunga Bundaq Milletlerning Musteqil Dewliti Yoq; Shunga Bundaq Milletlerning Tüzükrek Birnersisi Yoq; Shunga Bundaq Milletlerning Istiqbali Yoqtur!
29.04.2024 Gérmaniye
☆☆☆><☆☆☆
Ademler We Insan Tebiyiti Heqqidiki Ikki Kelime…
I
Méni Eng Nepretlendüridighanlar Hemme Ishni Xudaning Namida Qilip, Hichqachan Xudaning Yolida Mangmaydighan, Emma Özini Qaltis Chaghlaydighan, Imanliq Bolush Biryaqta Tursun Hetta Söygü, Muhabbet, Xaraktér we Exlaqi Jehetlerde Töwen Derijidiki Haywanlarchilikmu Bolalmaydighan Eng Pestiki Xudini Yoqatqan Maxluqatlardur!
II
Towa Dimise Bolmaydu…. Janliqlarni Ming Qétim Özgertken Bilen Paydisi Yoqtur! Janliqlar Özining Ginida Nime Yézilghan Bolsa, Eshu Ginida Yézilghani Bolyinche Yashaydu! Hemme Janiwarlargha Ixshashla Ademlermu Özining Topisida Nime Bolsa Ölmey Yutmay Yenila Shu Péti, Qénida Éqiwatqan Mezmunlar Asasida Yashaydu!
Bulargha Qara, Yaxshiraq Nezer Tashlisang Jiq Nersilerni Körisen! Toghra Ademning Könglini Yérim Qilidighan Jiq Nersilerni Körisen; Eger Resmi Halda Eqil we Bilim Közi Bilen Qarap, Chongqur we Etrapliq Tepekkur Qilsang Tégi Körünmeydighan Heqiqi Bir Qapqara Tiragédiyeni Körisen! Bu
(1930~1949) Yillardiki We Uningdin Keyinki Uyghuristan Tarixigha Qayta, Qayta Qarisang Téximu Köp Nersilerni Körisen!
Uyghuristanda Bir Yingne Yerge Bikardin Bikargha Chüshmeydu; Uyghuristanda Derextiki Bir Yapraq Özligidin Lingshimaydu; Uyghuristanda Asmandiki Bir Qush Bikardin Bikargha Uchmaydu! Uyghuristanda Bikardin Bikargha Bir Ademning Chüshi Buzulmaydu! Boliwatqan Ishlarning Arqisida Milliy Irade, Milliy Roh, Milliy Ghaye Yoq Bolsa Nime Qilghan Bilen Tagh-Deryalargha we Wadilargha Bahar Kelmeydu!
Uyghuristan Xelqining Teqdirini Salahiyti-Kim, Nime Qilghan, Nime Qilalaydu-Ge Qarap Ular Belgüleydu! Qan-Ter Töküdighanlar Siler Hey Insanlar, Éghir Bedel Tölep Ghelbe Qilidighan, Toghra Yolda Mangalmisanglar Ghelbe Qilsanglarmu Yeni Quruq Qol Qalidighanlar We Axirida Meghlub Bolidighanlar Siler Hey Insanlar! Oylanglar, Tepekkur Qilinglar, Yéngi Pikirlerni Izdep Tépinglar! Yaxshiraq Oylanglar, Siler Shayet Bir Nersilerni Bilisiler; Bildinglar Emma Lékin Ishning Tégi-Tektini Zadi Qaysi Derijide Bilisiler, Nime Qilishinglar Kérek… Bularni Téxiche Bilelmigen Bolsanglar, Uhalda Bexitke Qarshi Qilishqa Tégishlik Ishlar Heqqide Hichbir Nersini Bilmey Koldurlap Yürisiler!Siler Weten we Millet Üchün Qilghan, Qiliwatqan we Qilidighan Ishlar Axirida Silerge Emes, Bu Milletning Beshigha Bela Bolghan Xeterlik Düshmenning Paydisigha Xizmet Qilidu!!!
III
Nurghun Ishlargha Sadaqet we Pidakarliqqa Oxshashla Achközlük we Shexsiyetchilikmu Jiddi Tesir Körsütidu!
Menpeetperestlik Bolsa Achlözlük We Shexsiyetchilik Dep Ikkige Ayrilidu! Birsi Selbi, Ikkinchisi Ijabi Mena Anglitidu!
Sadaqet bilen Pidakarliq Heqqide Toxtalmaymiz!
Achközlük Bilen Shexsiyetchilikni Bilish Muhimdur. Bu Ikkisining Perqliri Töwendikidek Bolidu!
1)Achközler Hemme Ishtin Qaqshapla Yürüydu, Shexsiyetchiler Yaman Weziyetni, Özi Üchün Paydiliq Pursetke Aylandurush Üchün Küresh Qilidu! 2)Achközler Her Ishtin Xataliq Isteydu we Bahane Sewep Körsütüp Qiliwatqan Ishtin Qol Üzidu; Shexsiyetchiler Her Ishtin Deris Élip, Payda Menpeet Qazinish Üchün Yéngidin Bilim Qazinidu!
3)Achközler Ishlardin Xataliq, Yitersizlik we Kamchiliq Izdep, Kichik Ishlargha Bahane Qilip Ümitsizlik Patqiqigha Patidu; Shexsiyetchiler Bolsa Qoldin Bérip Qoyghanlarning Sayiside Téximu Köp Bilim weTejiribelerge Ige Bolush Koyigha Chüshidu!
4)Achközler Ziyan Tartqanda Rohiy we Jismani Tereptinn Özini Asanla Tügeshtüriwalidu; Asan we Yéqin Yol Izlèp, Téximu Köp Ziyan Tartidighan Terepke Qarap Ilgirleydu; Shexsiyetchiler Bolsa Payda we Ziyanni Toghr Hésaplap, Kéyinki Qétimliq Jengkte Toluq Ghelbe Qazinish Üchün Yéterlik Pilan Hazirlaydu!
Millitimiz Achközlük Késilige Griptar Bolmisun, Insanperwerlik, Exlaq we Qanunni Ölchem Qilidighan Dostluqni Birinchi, Riqabetni Ikkinchi Orun’gha Qoyidighan Shexsiyetchilikni Özige Qural Qilghan Zamaniwi Bir Milletke Aylansun!!!
K.U.A
30.04.2024 Gérmaniye